Llsgr. Caerdydd 1.363 (Hafod 2) – tudalen 131r
Brut y Brenhinoedd
131r
wledyc. A phasken a dywaỽt wrthaỽ enteỽ.
Dyoer ep ef pwy bynnac a alley eskynnỽ hen+
ny en|y ỽedỽl a|e dwyn ar perffeythtaỽt ar y
weythret my a rodvn ydaỽ myl o pỽnhyoed o a+
ryant am annwylyt ynnev am kytemdeythas h+
yt tra ỽydỽn ỽyw. Ac os e tynghedỽen a kanhy+
adey y my arỽerỽ o coron teyrnas enys prydeyn
my a|e gwnaỽn ef en swydaỽc ym a henny a kadarn+
haỽn trwy arỽoll. Ac ar henny e dywaỽt eopa. my
a dyskeys ep ef yeyth e brytanyeyt ac eỽ deỽaỽt.
my a|e gwn a chyỽarwyd wyf eg kelỽydyt medeg+
ynaeth. ac wrth henny o chywyry ty er hyn edw+
yt en y adaỽ y my. mynheỽ a dychymygaf ỽy m+
ot en crystyaỽn ac en ỽrytwn ac en ryth medyc
my a doaf at e brenyn a my a gwnaf dyaỽt ydaỽ
er honn a|e ladho enteỽ. A hyt pan ỽo kynt e kaff+
wyf ymwelet ar brenyn my a ymgwnaf en ỽan+
ach credyfvs ryolawdyr. ac en dyskedyc o pob d+
ysc. Ac gwedy adaỽ ohonav henny pasken trwy
kedernyt arỽoll a edewys kywyraỽ pob peth
ydaỽ megys y hadawssey. Ac wrth henny ene* e
lle eopa a perys eyllyav y ỽaryf a chneyfaỽ y penn
| « p 130v | p 131v » |