Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 126r

Brut y Brenhinoedd

126r

y gwneythỽr o dysc ac annoc eydal escob
kaer loew ed aeth hyt em mynachloc esyd
ker llaw kaer karadaỽc er honn a elwyr
en awr salesbrỽ. kanys eno edoedynt en go+
rwed e tewyssogyon ar baronyeyt ar ry la+
dassey heyngyst trwy y brat. Eno ed oed m+
ynachloc o trychant manach em mynyd a+
mbyr e gwr megys e dywedyr a wuassey fỽn+
dỽr e ỽynachloc honno en kyntaf. A phan we+
les emreys e lle edoedynt e meyrw henn en
gorwed kyffroy o warder hyt ar y dagreỽ
a orỽc. Ac o|r dywed medylyaỽ a orỽc end+
aỽ e hỽn pa wed e gellyt gwneỽthvr e lle
hỽnnỽ en anrydedỽs o anryỽed weyth a pa+
rhaey en trakywydaỽl. kanys teylwng e
barney ef e lle honno o trakywydaỽl an+
ryded. Wrth ry lad eno e sawl dyledogyon
henny en wyryon tros ew gwlat.
AC gwedy galw o·honaỽ attav o pob lle
seyry prenn ar rey meyn. gorchemyn
a orỽc e brenyn ỽdỽnt arỽerỽ oc eỽ hethr+
ylyth a cheyssyaỽ dechymyc newyd ar weyth
a gatwey cof e saỽl bonedygyon henny en a+
nrydedỽs trwy er oessoed. A gwedy dyffygyav