Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 120r

Brut y Brenhinoedd

120r

aet. a gwedy llader heyngyst e coronheyr
emreys Wledic. Ef a hedycha e gwladoed.
ef a atnewyda er eglwysseỽ. a eyssyoes a g+
wenwyn e lledyr. Ac en|y ol enteỽ y dynessa
y ỽraỽt enteỽ ỽther pendragon er hỽnn ar
racỽlaynyr y dyewoed a Gwenwyn. E ỽe+
ynt ỽrat honno a gvnaethost ty at etyỽed
er rei a lwnc baed kernyw. Ac ny bw ỽn g+
ohyr pan oleỽhaỽs e dyd trannoeth e devth
emreys wledic y tyr enys prydeyn.
AC gwedy honny* dyỽodedygaeth emreys
wledic e brytanyeyt o pob lle a emkynn+
ỽllassant o|r gwascaredygaetheỽ a ry|fỽas+
sey arnadvnt ac o kytemdeythas eỽ kyt kyw+
daỽtwyr llawenhaw ac emkadarnhaỽ. a gwedy
kynnvllaỽ paỽb y gyt o|r escyb ar escholheygy+
on ar pobyl arall oll wynt a ỽrdassant emreys
Wledyc en ỽrenyn. a herwyd kynneỽaỽt a
wedassant ydaỽ. A|phan etoedynt paỽb en m+
ynnỽ mynet am penn e saesson. annoc a gwn+
aeth e brenyn hynny kanys en kyntaf e mynn+
ey enteỽ erlyt Gortheyrn kanys kymeynt oed
y dolỽr o achavs brat y tat a|e ỽraỽt ac nat oed