Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 119v

Brut y Brenhinoedd

119v

ef y vrth hynny. Ac ar hynny e dywaỽt
merdyn. ffo hep ef tan meybyon cvste+
ny o gelly y ffo. En awr e|maent en para+
toy e llongheu. en aỽr y maen en adav tr+
aeth llydaw. en awr en dyrchaỽael ev h+
wyleỽ tros e moeoed* en kyrchu enys pryd+
eyn y emlad a chenedyl saysson. Wynt a da+
restyngant er escymvnedyc pobyl. Ac eyssy+
oes en kyntaf e mewn twr eng gwarchae w+
ynt a|th loscant ty kanys o|th drỽc ty e bredyc+
heyst ty eỽ tat wynt ac eỽ braỽt. Ar saysson
a wahodeyst en er ynys. Ty a gỽahodeyst en k+
anhwrthwy yt. ac eyssyoes e maen en poen y
ty wynt. Dev anghev esyd en e|mechdywy+
nygỽ y ti. ac nyt havd gwybot pwy kyntaf o+
nadunt a ochely. O|r neyll parth e maent e sa+
ysson en anreythyaỽ de teyrnas ac en llafury+
aỽ de angheu tytheỽ. O|r parth arall e maen e
deỽ ỽroder emreys ac ỽthyr en dyvot er rei
a lafuryant dyal enot ty angeỽ eỽ tat ac eỽ
braỽt. keys amdyffyn yt os gelly. kanys avo+
ry wynt a deỽant y traeth totoneys yr tyr.
Wynt a cochant wynebeu e saysson oc eỽ gỽ+