Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 105v

Brut y Brenhinoedd

105v

baronyeyt a marchogyon. kanys pavb onadvnt a
dothodynt hep arỽeỽ kany medylynt o dym nam+
en o tangnheỽed. ar saysson trwy yeỽ* brat a dothoe+
dynt en arỽaỽc. ac wrth henny haỽd oed vdvnt
llad e gwyr ereyll en dyarỽot. Ac eyssyoes ny chav+
ssant eỽ llad en rat. kanys llawer o·nadvnt wynteỽ
a las ena. kanys e brytanyeyt a kymerynt e me+
yn o|r dayar ar trossolyon. ac evelly kan emdyffryt
e lladassant llawer o|r bradwyr saysson.
AC eno e dothoed Eydol tewyssaỽc kaer loew a
hwnnỽ gwedy gwelet e brat hỽnnv o damw+
eyn a kavas pavl ac a hỽnnv ed emdyffyrth. a ph+
wy bynhac o|r bradwyr a emkaffey ac ef ar pawl h+
vnnv e torrey er aelavt a trawey ac ef. ac evelly y he+
llyngey y ỽffern. Ac y vn e torrey y penn. y arall y
vreych. y arall y escwyd. y lawer ev hesceyryev. ac
evelly nyt aeth ef o|r lle honno hyt pan ladavd ef ar
vn pavl hỽnnỽ deng wyr a|thry vgeynt o|r saysson.
Ac gwedy na alley ef gwrthvynebv yr ỽeynt amyl+
der nyfer hvnnv emtynnv a orvc y ganthvnt a mynet
hyt y dynas e hvnan. Ac llawer a llas o pob parth. ac
eyssyoes e wudvgolyaeth a kavssant e saysson ka+
nys e brytanyeyt a dothoedyn en dyarvev kany
thebygynt dym o|r brat hvnnv. ac wrth henny lley