Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 103r

Brut y Brenhinoedd

103r

enys thanet en lle amdyffyn vdvnt. Ac eyssy+
oes esef a wnaeth Gwerthyvyr eỽ damkylc+
hynỽ ac o longhaỽl ymlad pevnyd eỽ gova+
lỽ. Ac gwedy na ellynt e saysson a ỽey hwy
dyodef ryvel Gwerthyfyr vendygeyt ar bry+
tanyeyt arnadvnt. Wynt a ellynghassant Gor+
theyrn e gwr a wuassey em pob emlad y gyt ar
saysson en kennat hyt at Werthyfyr ar bry+
tanyeyt y erchy kanhyat vdvnt y emchwel+
vt hyt en Germany en yach. A hyt tra edoedy+
nt e kymry en kymryt ev kynghor e|dathea*+
nt e saysson en eỽ llongheỽ ac e|daethant hyt
en Germany kan adaỽ eỽ gwraged ac eỽ me+
ybyon.
AC gwedy kaffael o Werthyfyr e wudvgoly+
aeth dechrev a orỽc talw y paỽb tref y tat
ac eỽ kyvoeth o|r ar ry dvgassey e saysson y ar+
nadvnt. ac y gyt a henny hevyt karv y wyr+
da ac eỽ hanrydedv ac o arch Garmaỽn a|e kyn+
ghor atnewydhaỽ er eglwyssev. Ac eyssyoes en|e