Breudwd Rhyddiaith Gymraeg 1300-1425
English

Llsgr. Caerdydd 1.363 (Hafod 2) – tudalen 102r

Brut y Brenhinoedd

102r

hyt en Germany. ac wynt a deỽthant odyno oc+
ta vap heyngyst ac ebyssa a cheldryc a thry ch+
an llong en llaỽn o wyr arvavc. Ar rey henny
a kymyrth Gortheyrn en hygar. ac ar rodes lla+
wer o rodyon maỽr amyl. A thrwy nerth e sa+
ysson e gorỽydey Gortheyrn ar y holl elynyon
ac em pob emlad e bydey bvdvgaỽl. A heyngyst
eyssyoes en wastat a wahodey e llonghev ac an+
gwanegey y nyver peỽnyd. Ac gwedy gwel+
et o|r brytanyeyt henny ofynhaỽ a orvgant br+
at e saysson. ac wrth henny wynt a dywedassa+
nt vrth e brenyn ac archassant ydav gỽrthlad
e|saysson paganyeyt o|y kyvoeth. kanys ny dy+
leynt e paganyeyt emkyssyllv ar crystonogyon
nac emkytemdeythyokaỽ ac wynt. kanys cryst+
onogavl kyfreyth a warhadey henny. Ac y g+
yt a henny heỽyt kymeynt o amylder o pa+
ganyeyt a dothoedynt er enys a megys ed oed+
ynt en ofyn ac arỽther yr kywdaỽtwyr. kan+
ys nyt oed gwybot havd pwy a ỽey crystyaỽn pwy
a ỽey pagan kanys e paganyeyt ar rodessynt eỽ
merchet ac eỽ karesseỽ en gwraged vdvnt. ac|wyn