Llsgr. Caerdydd 1.363 (Hafod 2) – tudalen 100r
Brut y Brenhinoedd
100r
Ac odyna hep vn gohyr gwedy ellwng o heyng+
yst y kennadeỽ hyt en germany ef a kymyrth croen
carw ac a|e gwnaeth en vn karrey. ac odyna e|de+
tholes ef lle carregaỽc megys e ryghey bod ydav
y ansaỽd a|e kedernyt. ac eno e messvrvs ef y gyt
o|r karrey honno. ac en e lle honno ed adeylvs ef k+
astell a chaer. Ac gwedy darvot y adeylat ef a ka+
vas y enw o|r karrey kanys a hy e messwrwyt. Ac
gwedy henny embrytanec e gelwyt e lle hvnnv ka+
er garrey. ac en saesnec than castre. ac en lladyn k+
AC en er amser hvnnv e kennadev [ astell e anrey
a emchwellassant o Germany a deỽ nav lleng*
kanthvnt en llaỽn o ordetholwyr marcho+
gyon. ac y gyt a henny wynt a dvgant merch he+
yngyst y gyt ac wynt er hon a elwyt ronwen. ac
nyt haỽd kaffael en e byt er eyl a ellyt kyffelybv
y phryt a|e thegvch y honno. Ac gwedy ev dyvot
heyngyst a wahodes Gortheyrn y edrych er adey+
lat newyd ar marchogyon newyd dyvot. Ac en
e lle e brenyn a devth attaỽ a nyver bychan y +
ala y gyt ac ef. a moly a hoffy en vavr a orvc +
ssevyt adeylat hỽnnv. a gwahavd e marchogyon
| « p 99v | p 100v » |