Breudwd Rhyddiaith Gymraeg 1300-1425
English

Llsgr. Caerdydd 1.362 (Hafod 1) – tudalen 63v

Brut y Brenhinoedd

63v

a ran uỽyaf o|r llu gantaỽ hyt yg kaer effra+
ỽc. Ac ossa y geuynderỽ a ran arall o|r niuer
a ffoes hyt yg kaer alclut. A chadarnhau y
dinassoed hynny a|wnaethant o lawer o varch+
ogyon aruaỽc. Ac aruaethu eu kynhal ra* em+
reis ar brytanyeit.
A Gỽedy kaffel o emreis y uudugolyaeth
honno. yd aeth hyt yg kaer gynan. Ac
yno y bu yn gorffyỽys tri dieu. Ac yn hynny
o yspeit yd erchis emreis gladu y gỽyr|lla+
dedic a gỽneuthur medeginyaeth ỽrth y rei bra+
thedic. A gorffyỽys y rei blin lludedic. Ac odyna
galỽ attaỽ y wyrda. Ac ymgyghor ac ỽynt.
beth a|wnelit am hengyst. Ac ym plith hynny
o wyrda yr dothoed. Eidal escob kaerloyỽ gỽr
prud doeth credyfus. A phan welas eidal hen+
gyst yn seuyll rac bron y brenhin. dechreu yr
ymadraỽd hỽn. Arglỽydi heb ef pei barneỽch
wi oll ellỽg hengyst. Mu|hunan a|e lladỽn ef.
gan erlit agreiff a dysc samuel proffỽyt
am agag vrenhin amalec a oed yn|y garch+
ar ac yn|y uedyant. Sef a oruc briwaỽ yn
drylleu man. gan dywedut val hyn. Megys
y gỽnaethost ti mameu ymdiueit oc eu me+
ibyon. velly y gỽnaf inheu dy vam titheu yn
ymdiuat ohonot titheu ym plith y gỽraged.
A gỽneỽch chitheu y·uelly y hỽnnỽ yr hỽn a
ymdyngosses* yn eil agac yn an plith ninheu.
Ac yna y kymyrth eidol iarll kaer loyỽ hengyst.