Llsgr. Caerdydd 1.362 (Hafod 1) – tudalen 5r
Brut y Brenhinoedd
5r
Sef oed y enỽ membyr. A dywedut. bot y* oreu kyghor
vdunt ac yn iaỽnaf kymryt kanhat y vynet y ym+
deith o mynhynt iechyt udunt ac y|eu hetiued gỽedy
hỽy. kans o|rydheynt ỽy y brenhin. A chymryt ran o|e
gyuoeth y|gantaỽ y phressỽylaỽ yndaỽ ymplith gỽyr
groec. Ef a|tebygei na cheffynt hedỽch tragyỽydaỽl yn
eu plith o|r dyd hỽnnỽ allan. kans ỽyryon a gorỽyryon y
rei lladedic a|goffeynt eu gelynyaeth ac ỽynt yn tragỽ+
ydaỽl ac eu hetiued ỽynteu. Ac o darffei vot brỽydyr
yrydunt niuer gỽyr groec beunyd a amlaei. A niuer
gỽyr tro a lihaei. Ac ỽrth hynny y kyghorei ynteu kym+
ryt y verch hynaf y pandriasius yr hon a elwit enogen.
yn ỽreic y vrutus a llogeu a phop peth o|r a uei reit udunt
ỽrth eu hynt. Ac os hynny a geffynt; kymryt canhyat
y uynet y le y keffynt tragỽydaỽl hedỽch.
A Gỽedy daruot y vembyr teruynu y ymadraỽd velly.
vfydhau a wnaeth yr holl gynnulleittua yỽ gyghor.
A dỽyn pandriasius y berued y|gynnulleitua a|wnaeth+
pỽyt. A dywedut idaỽ y dihenydit yn diannot. Ony wne+
lei yr hỽn yd|odynt yn|y adolỽyn ida*. A thra yttodit yn
dywedut ỽrthaỽ yr amadrodyon hynny; y dodet y my+
ỽn kadeir oruchel mal y delyhei vrenhin. A gỽedy gỽe+
let o|r brenhin gogyuadaỽ y agheu. atteb a oruc yn|y
mod hỽn kans y tyghetueneu an rodes ni yn aỽch me+
dyant chỽi. dir yỽ ymwneuthur aỽch mynnu chỽi
rac kolli an buched. yr hon nyt oes a uo gỽerthuorogach
no hi na digrifach yn|y byt hỽn herwyd y gỽelir inni.
Ac ỽrth hynny nyt ryued y prynu o pop fford y galler
y gaffel. A chyt boet gỽrthỽyneb genhyf|i rodi vy merch.
| « p 4v | p 5v » |