Breudwd Rhyddiaith Gymraeg 1300-1425
English

Llsgr. Caerdydd 1.362 (Hafod 1) – tudalen 54r

Brut y Brenhinoedd

54r

yn eithauoed y llyn y gỽanha y dreic coch. Teruyn gos+
sodedic yssyd idi. yr|hỽn ny eill mynet drostaỽ. Dec
mlyned a deu vgeint a chant y byd yn anwastatrwyd.
a darystygedigaeth. try|chant hagen y gorffwys. Yna y
kyuyt gogledwynt yn|y erbyn. Ar blodeu a greaỽd y de+
heuwynt a gribdeila. Yna yd eurir y temleu. ny orffỽys
hagen llundein y  cledyueu. Breid uyd o cheiff pryf 
germania y ogoueu. kans dial y vrat a|daỽ yn|y erbyn.
ỽrth y diwed y grymha vychydic. Degỽm flandras ha+
gen a|e llesteirha. kans popyl a|daỽ yn|y erbyn y myỽn
pren a pheisseu heyrn ymdanadunt a gymer dial o|e dy+
walder ef a|e enwired. Ef a atỽerir yr hendiỽhyllodron
y pressỽyluaeu. A|chỽymp yr estronyon a ymdawynic.
hat y dreic wen a eillir oc an gradeu ni. A gỽedillon y ge+
nedyl a degemir. Gỽed tragỽydaỽl geithwet* a dyborthant.
Ac eu mam a archollant o geibeu ac ereidyr. Yna y dy+
nessa y dryigeu*. o|r rei y darestỽg y neill y saeth kyg+
horuynt. Y llall agen* a ymchoel dan wascaỽt y enỽ.
Odyna y dynessa lleỽ y wiryoned. Ar vreiuat yr hỽn
yd ergrynant tyroed ffreinc. Ac ynyssolyon y dreigeu.
yn dydyeu hỽnnỽ yd ymcholir eur o|r lilium ar dan+
haden. Ac aryant a|lithyr o garneu y rei a ureuont.
y calamistreit a wiscant amreuaelon gnuoed. Ar abit
vchaf a arỽdochaa* y petheu o vyỽn. Traet y rei a gyf+
archont a|trychir. hedỽch a gaffant y bỽystuileit. Dy+
nyolyaeth a dolurya poen. ef a hollir furyf y gefnewit.
hanher crỽn a uyd. ef a balla cribdeil y barcutaneot*.
A danhed y bleideu a bylant. Canawon y llew a symu+
dir y morolyon pyscaỽt. Ac eryr hỽnnỽ a|wna y nyth