Breudwd Rhyddiaith Gymraeg 1300-1425
English

Llsgr. Caerdydd 1.362 (Hafod 1) – tudalen 111v

Ystoria Dared

111v

a petwar vgein llong gantaỽ Toax o|r wlat a elwit
tỽlỽs a deugein llong gantaỽ Aiax oileus o|r wlat
tutris a deunaỽ llong ar hugeint. Venerias o|r wlat
a elwir mi* un teir llong ar|dec ar hugeint antipus o|r wlat
a elwir calidon a deunaỽ llong ar hugeint Jdomenus
a|meremones o|r wlat a|elwir creta a phetwar ugein
llong vlixes o|r wlat a|elwir toeca a deudec llong
Proteselaus a phrotracus o|r wlat a elwir Pilata a
deugeint llong Emelius o|pirus a dec llong Potam+
us a Machaon meibon colaphus o|r wlat a elwir trici a
phedeir llong ar dec ar hugeint Achil a phetroclus o|r
wlat a elwir pathia a dec llong a|deugeint gantunt Te+
lebeleus o yny* rodo a|naỽ llong gantaỽ Eriphilus a dec
llong. Antiphus ac amphimacus o elides ac vn llong
ar|dec Pulipetes o|r wlat a elwir larisa a|deugeint
llong gantaỽ Diomedes ac vrsasus o|r wlat a elwir
arpis a|phetwar|ugein llong gantunt Pilottenus o|r
wlat a elwir melkboea a phedeir llong gantaỽ Gene+
us o cipro ac vgein llong gantaỽ Protoleus o ma+
necia a|deugein llong Ag|apenor o arcadia a deugein
llong menescus o athenis a dec llong a deugein gan+
taỽ. llyma riuedy py|saỽl tywyssaỽc o roec oed y
gyt. ac ỽyth tywyssaỽc a deugeint. A riuedi eu llongeu y
gyt. dec llong ar|hugeint a chant a mil. Ac yna gỽ+
edy y dyuot y gyt y athenas agamenon a elwis
y tywyssogyon y gyt y gemryt kyghor a chyghor
a wnaeth ef ar annoc dial y sarahedeu hỽy a|e k +
wilid yn gyntaf ac ef a ofynnaỽd a oed da gantunt
hỽy hynny ac annoc a wnaeth ef hyuyt kyn noc