Breudwd Rhyddiaith Gymraeg 1300-1425
English

Llsgr. Caerdydd 1.362 (Hafod 1) – tudalen 103r

Brut y Brenhinoedd

103r

 Ac yna y doeth peanda ar kat+
  wallaỽn y ouyn py achaỽ* na
na*  dathoed oswi yr llys. ar holl
tywys sogyon wedy dyuot namyn ef
e|hun. Nac ef arglỽyd heb ef nyt o|r
achaỽs hỽnnỽ na doeth namyn anuon kenhadeu
a|wnaeth hyt yn germania yscymun y waỽd*
saesson attaỽ y geissaỽ dial y vrat arnaf|i a thi.
Ac y gyt a hynny heb ef y mae yn torri tagne+
ued ynys prydein. gan dihol y deu nyeint al+
flut ac odwalt. Ac erchi canhat a|wnaeth pean+
da o|e lad now>|e diho* o teruyneu ynys prydein.
AC yna gwedy galỽ o gatwallaỽn y gyg+
horwyr attaỽ. a medylyhaỽ peth a|wnelhit
am hynny. ym plith hynny y rodes Maredud
vrenhin dyuet y kyghor hỽn. Arglỽyd heb ef
kanys holl genedyl saesson a derpereisti eu dehol
yn llỽyr o|r ynys hon. py achaỽs na thrigeist ti+
theu ar y medỽl hỽnnỽ. kanys ny delhyit cadỽ
ffyd ỽrth y neb ny|s catwo. Ac ỽrth hynny dyro
canha* y peanda y ryuelu ac ỽynt. Ac attuyd
ef a lad pop rei o·nadunt y gilyd. yr saesson.
Ac y·uelly y dilhehir o|r ynys hon.
AC ar hynny y rodes katwallaỽn gan+
hyat y peanda ryuelu ar oswi. A gwedy
kynnullaỽ llu maỽr. kychwyn a oruc peanda
trỽy humyr ar torr oswi. A ryuelu yn wychyr
a oruc   arnaỽ gan anreithaỽ y wlat. A
chynnic a oruc osw lawer o rodyon o eur ac