Breudwd Rhyddiaith Gymraeg 1300-1425
English

Llsgr. Caerdydd 1.362 (Hafod 1) – tudalen 101r

Brut y Brenhinoedd

101r

enỽ. A hỽnnỽ a adwanei ar redec y ser. Ac ar trỽyf
escyll yr adar y damweineu a delhei rac llaỽ. A hyn+
ny a vanagei ynteu y etwin. Ac ỽrth hynny ny
allei katwallaỽn dyuot ynys prydein. A gỽedy gỽy+
bot hynny o gatwallaỽn annobeithaỽ a oruc o
tebugu na chaffei byd dyuot y ynys prydein.
Ac o|r diwed. Ac* o*|r* diwed* y kauas yn|y mynet
hyt yn llydaỽ megys yỽ* gallei dyuot yỽ gyuo+
eth aacheuen*. A throssi a|wnaethant eu hỽyleu parth
a llydaỽ. Ac yn hynny kyuodi gỽynt kythraỽl
gorthỽyneb yn eu herbyn. Ac yn deissyuyt gwas+
caru eu llongeu hyt nat oed vn y gyt a|e gilyd.
A diruaỽr ofyn a dygyrchỽys llywyd llog y bren+
hin. Ac ymadaỽ ar llyỽ a oruc. Ac y·uelly y bu+
ant ar naỽd. yn gyhyt ar nos mal y dyccei y
tonneu|ỽynt. Ac yna pan doeth y dyd trannoeth
y doethant y ynys vechan. Sef oed eu henỽ gar+
narrei. A gwedy kaffel y tir. A gỽedy kaffel y
tir o nadund*. kleuychu a|oruc y|brenhin o ỽrthỽm*
heint rỽg dolur colli y wyr ar tymhestel ar mor+
dỽy ar dyfroed ar alltuded a oed arnaỽ ynteu e|hun.
A chyn|trymet vu y  heint ac na lewas na
bỽyt na diaỽt teir nos thri dieu. Ar petwered
dyd y doeth arnaỽ blys kik hely. A gwedy me+
negi hynny o·honaỽ y vreint hir. kymryt bỽa
a saetheu a|oruc breint. a mynet y grỽydraỽ yr
ynys y edrych. a damweineu idaỽ caffel y vlys
yỽ arglỽyd. A gỽedy na chauas dim goueileint
a gymyrth yndaỽ yn vaỽr rac ofyn dyuot