Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 87v

Llyfr Blegywryd

87v

kyureith. dir|yỽ y|gadỽ. amot a|tyrr ar de+
dyf. trech amot no gỽir. LLỽ vn dyn y|wadu
amot heb amottỽyr. O|R edeu dyn da y|ar  ̷+
all yg|gỽyd tyston. a|mynnv eilỽeith y|wadu.
ny eill y wadu onyt y|tyston a|balla. y|r llall.
O|teir fford y·d|a cogeil y|mreint paladyr.
vn yỽ. trỽy odef. kanys godef a|tyrr pob
kyghaỽs. Eil yỽ. o|eisseu etiued kyureitha+
ỽl o|vr. Trydyd yỽ; trỽy y|brynu yr da. ka+
nys y|tryded etiuedyaeth kyureithaỽl|yỽ.
NY|dyly gỽir na|chyureith vot heb y|pe+
tỽar defnyd hynn. arglỽyd kyffredin.
ac ygnat cadeiraỽc. a|dỽybleit kytry  ̷ ̷+
chaỽl. Teithi tereis; llef. a|chorrn. a|chỽ  ̷+
yn. Seith gynedyf kyureithaỽl a|dyly
bot ar|ygnat. Mut. a|bydar. Drut. a|lla+
var. vfuyd. ac ofnaỽc. ac oleithaỽc.
O|R keffir dyn yn llosci ty yn lletrat. a|e
dala bit eneit·vadeu. Ny|byd galanas
am leidyr. ac ny byd llyssyant rỽg dỽy
genedyl yr y|dienydyaỽ. Os gyrr llouru+
dyaeth tan a|daỽ. neu a|vyd ar dyn. neu
yn lletrat. llỽ degỽyr a|deugeint a|a arnaỽ.
o|r keffir y|reith bit ryd. onny|s keiff bit
leidyr gỽerth. O|R deruyd amrysson rỽg
deudyn am|geissaỽ creir y|damtỽg ac ef.