Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 87r

Llyfr Blegywryd

87r

y|l·lesteireu hynny. namyn y|bot yn aghenyon
gossodedic y|myỽn kyureith. ac vrth hynny
nyt ymhoelant ỽynteu yn agkyureith
ar|neb y bo dadleuoed arnaỽ. LLyma y|lle
y|dylyant geittỽeit vot. kyntaf yỽ. Cadỽ tir
a|dayar gan|dyn. Eil yỽ; cadỽ kynn coll. Try+
dyd yỽ; cadỽ gỽestei. Petỽeryd yỽ; geni. a
meithrin. Pymhet yỽ; cadỽ breint. whech+
et yỽ cadỽ alltudyaeth gan dyn. HYnn o
betheu yssyd vn vreint a|lletrat yn llaỽ.
O|r byd dyn yn kerdet. a|chaffel ysgrybyl.
neu da arall marỽaỽl yn vn|gerdet ac ef.
rac|y|vronn. kystal yỽ idaỽ hỽnnỽ a|lletrat
yn llaỽ. Eil yỽ; o|r keffir lletrat dan|vn|do
ac ef. neu yn warchae ac ef. Kystal yỽ hỽn+
nỽ a|lletrat yn|llaỽ. Trydyd yỽ; caffel lle  ̷+
trat yn llaỽ dyn. neu ar|y|geuyn. neu gỽedy
y vỽrỽ y|r llaỽr. am bop vn o|r|tri|hynny re+
it yỽ y|r dyn keissaỽ ardelỽ kyureithaỽl y
vỽrỽ y|ỽrthaỽ y|lletrat. POb dadyl yn|y
hamot. nyt amot heb amotỽyr. vn diỽat
vyd a|mechniaeth. Ny|dyly neb gỽneuthur
amot dros y|gilyd heb y|gannyat. na|th+
at ar|tor y vab. na mab ar|tor y|tat. kany
phara amot namyn yn oes y|neb a|e|gỽ+
nel. kynn gwnnelher amot yn erbynn