Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 85r

Llyfr Blegywryd

85r

a|gwennwyn. a|dyn a|ladher a saeth. trỽy
arall. TRi dyn ny dylyant na galannas
na sarhaet. kyt ladher. vn yỽ. dyn a|lad+
ho annyueil. a dyn a gaffer yn rottyaw
ystauell y|brenhin hyt nos heb na|thann
na goleuat ynn|y laỽ. a dyn a|ladher a|ph  ̷+
renn ynn|y vỽrỽ gan|y rybudyaỽ. Teir
merchet a|dylyant talu amobreu. ac
ny dylyant eu tateu talu ebediweu. vn yỽ.
Gỽr a|dienydyo arglỽyd. kanny dyly
ebediỽ gỽr a|diennydyo e|hun. a|e verch
a|tal amobyr. a merch gỽr a|talho gobyr
ystynn. a merch gỽr o|tref gyurif. a vo
marỽ heb vab idaỽ. Y verch a|dyly talu
amobyr. A Oes vn lle y|dylyho dyn colli
y|adeil. ac ny|chollo y|tir. Oes. o|r deruyd
bot amryssonn rỽg deudyn am|tir. a|ro+
di o|r arglỽyd groes ynn|y tir hynny* vei
diamrysson. a|gwnneuthur o|vn ohonunt
adeil. ef a dyly colli y|adeil. ac ny dyly colli
y|tir. A Oes vn groes y|dylyer talu deu
gamlỽrỽ ymdanei. Oes. o|r deruyd y|dy+
lyedaỽc amrysson am|tir a|e|groessi. o|r
haỽlỽr. ac na boi* y|r amdiffynnỽr ỽrth
y|groes. a|barnu y|tir y|r amdiffynnỽr.
yna y|mae iaỽn barnu camlỽrỽ ar|yr|haỽ+
[ lỽr