Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 81r

Llyfr Blegywryd

81r

varnu. Kyureith heuyt a|dyỽeit. o|r kyffyly+
byonn. kyffelyb varnn a|dylyir. Teir ran
yỽ aỽdurdaỽt hyỽel da|e gyureitheu.
nyt amgen. kyureith y|lys peunydyaỽl.
a|chyureith y|wlat. ac arver kyurei  ̷+
thaỽl o bop vn ohonunt. Dywededic
yỽ hyt hynn o gyureith llysa|chyur+
eith y wlatDywedadỽy yỽ rac
llaỽ o|r arueroed
T Ri aruer kyureith yssyd; kynntaf
yỽ. kynnhal dyd kyureithaỽl y|dech+
reu dadyl megys maỽuettyd* mei. neu
galan gayaf am dadyl tir. trỽy ach ac
eturyt. Neu dyd y attouynn dadyl ebry  ̷+
vedic. nyt amgen. noc o|vyỽn vn dyd
a|blỽydynn o|r pan dechreuer. Eil aruer
yỽ; kynnal mod kyureithaỽl y|dadleu
y|gan ymhaỽl val y deỽisso gỽyr y|llys.
a|r|braỽdỽyr. ae geir. tra geir. ae gỽers
tra gỽers. kannys gỽyr y llys bieu dat+
kanu pob dadyl yn gouaỽdyr kynn barn.
a|gỽedy hynny braỽdỽyr y|varnu. ac
y|datkanu y dadyl. a|r varnn pan vo  ̷
reit. POb cof llys. a|phob deturyt
gỽlat gan tygu trỽydaỽ berued. y
cofuaduryonn. a|thtỽg* y|ssaỽl a|dun  ̷+