Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 77r

Llyfr Blegywryd

77r

Wahanner. Dỽy geinnaỽc cota. aỽst
pedeir keinnaỽc cota a|tal. Teithi gaf+
uyr. kymeint a|e gỽerth yỽ. Gerth
y|theth. dỽy geinnaỽc cota. vn werth
vyd gauyriỽrch. a gauyr. 
P archell ynn|y growyn. keinn*
kyureith a|tal. O|r pan el all  ̷+
ann hyt pan atto dynu. dỽy
geinnaỽc kyureith a|tal.
Pan beitto a|dynu; pedeir keinnaỽc
kyureith a|tal. hyt ỽyl ieuan ynn|y
cannhaeaf. Odyna hyt galan ionaỽr;
dec keinnaỽc kyureith a|tal. Odyna
hyt yr vn ỽyl Jeuan elchỽyl. deudec ke+
innaỽc kyureith a|tal. ac yna deupar+
thaỽc vyd yr eneit ar|y kic. Odynna
hyt galan Jonnaỽr. dec ar|hugeint a  ̷
tal. ac yna deuparthaỽc vyd y|kic ar
yr eneit. Nyt oes kyureith ar|gnyỽ h+
ỽch. hyt ym|penn y vlỽydynn. ac yna
kyureith hỽch aỽr a gymer. POb peth
ar|ny bo gỽerth kyureith arnaỽ; dam  ̷+
tỽg a|geffir ymdanaỽ. herỽyd kyfreith.
hyỽel. RYab gruffut arbennic de+
heubarth. trỽy duundeb a|e wlat. a|oss+
odes gỽerth damtỽg ar|bop llỽdynn.