Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 76r

Llyfr Blegywryd

76r

P Wy bynnac a vynnho lliỽaỽ llet+
rat yn gyureithaỽl; dywedet
welet y|dyn o|r pann vo goleu
y|dyd hyt pann vo pryt kyuly+
chỽr a|r lletrat gantaỽ. a thyget vch
benn reith. nac yr cas. nac yr digassed.
y|dyỽat. nac yr gỽerth. nac yr gobyr.
namyn yr dangos gỽironed. Yn|y mod
hỽnnỽ y|byd lliỽ kyureithaỽl. onny|byd
gỽrthtỽg. neu llyssyat. Gỽrthtỽg a| ̷+
yd trỽy trỽy tỽg deuỽr. LLyssyat a|vyd
o|r fford y|llyssir tystonn. Un werth vyd
cassec a buch. DRos loscỽrnn pob vn. a|e
lygat. a|e glust. pedeir keinnaỽc kyfreith.
Cassec re gỽedy yd|el ystalỽyn arnei.
wheugeint a|tal. Y neb a|ỽertho march
bit dros y dilyssrỽyd hyt varỽ. Rac
y|dera tri glỽith*. Rac yr ysgyuein teir
lloer. rac llynn y|meirch vlỽydyn. Yn
achỽannec bit dan gleuyt o|mvyỽnn.
Teithi march. neu gassec. yỽ yvet dỽ  ̷+
fỽr. a|phori gỽellt. a|rodi ysgyn. ac na
bo llỽygus. Y neb a|ỽertho march llỽ+
ygus; atueret trayan y|werth y|r pryn+
naỽdyr. Y neb a|varchoccao march dyn
arall heb|y|ganyat. talet y|r pedeirchenn