Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 6r

Llyfr Blegywryd

6r

y|gerỽynn ved hyt pann darffo y|chudyaỽ.
Naud sỽydur llys yỽ; o|r pann dechreuho
rannv y bỽyt hyt pan gaffo y|diỽethaf y
vuyt. Naỽd y|coc yỽ; o|r pan dechreuho
troi y|golỽyth kynntaf hyt pan dotter
y diỽethaf gyr bronn y|brenhin a|r vren+
hines. Naỽd y|troetauc yỽ; o|r pan dech+
reuho eisted dan traet y brenhin hyt
pan el y ystauell. Naỽd y|medyc yỽ; o|r
pan el o|e ystauell o arch y|brenhin y ofuỽy
claf hyt pan del y|r llys dracheuen. Naỽd
guastraut auvyn brenhines yỽ; kyffe+
lyp y naỽd guastraut y|brenhin. Naỽd
y kynnvdur yỽ; hyt y lle pellaf y del y|gy+
nnutta. a chymeint ac allo y vurỽ a|e vd+
yf. Y porthaur a|r kynnvttei nyt ynt
o rif y petỽar|sỽydauc ar|hugeint. Pỽy
bynnac ohonunt y|torrer y|naud neut
sarhaet idaỽ. O|medycynaeth y|medyc
llys neb vn brathedic o wyr y|llys hyt
pan vo iach. y waetỽisc a|geiff ef. a|r
tudedyn vchaf y|r brenhin pan ymỽelho
gynntaf ac ef. AM|noduaeu y|dyỽetpỽ+