Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 69r

Llyfr Blegywryd

69r

yr esgob. a|gỽr yr abat. y|brenhin bieu eu
dirỽyon. Py|bynnac a|ardho tir dyn arall
dros naỽd y|brenhin. pedeir keinnaỽc kyfreith
a|tal y berchenn y|tir dros agori daear. a|ph+
edeir keinnaỽc kyureith dros diot yr ar+
adyr o|r daear. a|cheinnaỽc dros bop kỽys
a|ymhoeles yr aradyr. ac onny wybyd+
ir rif y kỽysseu. troetued vyd llet pob kỽ+
ys. Y|brenhin bieu ar* aradyr. a|r|sỽch. a|r|cỽ+
lltỽr. a|r|ychenn. a gỽerth y|troet deheu
y|r amaeth. a|gỽerth y|llaỽ deheu y|r geil+
ỽat. Y neb a|gudyho dim y|myỽn tir dyn
arall trỽy glad; perchenn y|tir bieiuyd
y|gudua. onnyt eurgraun vyd. kannys
y|brenhin bieu pob eurgraun kudyedic.
a|phedeir kyureith keinnaỽc o|agori da  ̷ ̷+
yar. Y neb a|gladho annel y|myỽn tir
dyn arall; perchenn y|tir a|geiff y|gant+
aỽ pedeir keinnaỽc kyureith dros agori
dayar. a|r|bỽystuil a|dalher yndaỽ hefyt.
Y|neb a|gladho pỽll odyn ar|tir dyn arall
heb y gannyat. perchenn y|tir pein piei+
uyd yr odyn. a|phedeir keinnaỽc kyfreith
o agori dayar. a|thri|buhin camlỽrỽ y|r
brenhin. Y neb a|dotto rỽyt y|myỽn a  ̷+
von ny|s pieiffo. trayan y|pysgaỽt a  ̷