Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 68v

Llyfr Blegywryd

68v

yn dilis os gordiỽed ar|y|tir. TRi ryỽ bryit
yssyd ar|tir; vn yỽ; gobyr gỽarchadỽ. Eil
yỽ yr hynn a|rodher y|whanneccau tir neu
y|vreint. Trydyd yỽ; llauur kyureithaỽl
a|wnnelher ar|tir y|bo gỽell y|tir ohonaỽ.
O|R keis dyn rann o|tir gan y gereint gỽe+
dy y bo yn hir alltuded; rodet wheugeint
vdunt yg|gobyr gỽarchadỽ o|r canhadant
rann idaỽ heb gowyn*Py|bynnac a|w+
nel brat arglỽyd. neu a|wnnel kynnllỽ+
yn. ef a gyll tref y|tat. ac o|keffir cro+
gadỽy vyd. Onny|cheffir a|mynnv  ky  ̷+
mot ohonaỽ a|chenedyl. ac ar +ar*   
glỽyd; tal deudyblyc a|daỽ arnaỽ.  
o|dirỽy. a galanas. ac o|r kyrch lys   
y|pab a|dyuot llythyr gantaỽ a|dan +  
gosso y|rydhau o|r pab; tref y|tat a|geiff.
Trydyd achaỽs y kyll dyn tref e|tat; o
enkil ohonaỽ y|ỽrth y|tir ac na|allo go+
def y beich a|r gỽassannaeth a|uo arnaỽ.
O |R|dyry brenhin tir y|dyn trỽy gyure+
ith; ny dichaun etiued y|brenhin dỽyn
y|tir rac hỽnnỽ o gyureith. 
O|R ymlad gỽr esgob. neu ỽr abbat.
a gỽr y brenhin ar|tir y brenhin. neu deuỽr yr es+
gob. neu deuỽr yr abbat. neu ỽr