Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 64v

Llyfr Blegywryd

64v

datanud o|gỽbyl a|dyly y|gaffel. Onny|byd
o|gorff y|tat etiued a|uo teilygach noc ef.
neu vn vreint ac ef. yn|kynnal y|tir ynn|y
erbyn. neu yn|gyt ovyn datanud ac ef
yn|y llys. ac yno y|tric yn gorffỽys heb
ỽrtheb y|neb o|r tir hyny del amsser medi.
ac ymhoelut y|geuen ar|y|das. onny|daỽ
y|braỽt hynaf a|r|teilafygaf. o|r daỽ a|uo
teilygach noc ef. ef a|e keiff oll. Os y kyffelip a daỽ y|kyffelyp a|geiffo|rannOs data+
nud carr a|vernnir y|dyn. o|dyuot a|ch  ̷+
arr y|r|tir; gorffỽys a|geiff yno naỽ|diỽar+
naỽt. ac yn|y naỽuettyd y|dyry atteb.
ac yn|yr eil naỽuettyd barnn. OS trỽy
datanud ygyt a beich keuen y doeth y|r
tir a gynnhelis y|tat gynt hyt y|varỽ.
tri dieu y keiff orffỽys. ac yn|y|trydyd y
dyry atteb. ac yn|y naỽuettyd barnn. P+
y|bynnac y barnner datanud idaỽ. ny|di+
chaun neb o|gyureith y|ỽrthlad ohonaỽ.
onnyt etiued priodaỽr ar|datanud herỽ+
yd oet. Sef yỽ hỽnnỽ yr hynaf. kanny
dichaun yr eil g datanud gỽrthlad y|kyn+
taf. ac ny dichaun vn ampriodaỽr gỽrthl+
ad ampriodaỽr arall. ac o|r|byd amryss  ̷ ̷+
on rỽg deu etiued kyureithaỽl. ny dich+
aỽn vn gỽrthlad y|gilyd o|gyureith.