Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 62v

Llyfr Blegywryd

62v

buch vras. heb groen. heb amyscar. Dros
tri daun·bỽyt haf. y|telir y|uuch. Dros y|pe+
tỽeryd; y|telir maharen bras teir blỽyd.
a|hỽch tri gayaf tri byssic. Y|tref a|dyly
dỽyn y|rei hynn oll. y|r brenhin. a|chynn+
eu tan teir nos. a|thri dieu idaỽ. Deu da+
ỽn·bỽyt a|dyly y brenhin y|gaffel y|gan
y|vilaeineit pob blỽydyn. Messur hyn+
ny yỽ; Hỽch tri byssic ynn|y chlunyeu
ac ynn|y heis. ac ynn|y hysgỽydyeu.
ac anherop o|gic hallt. a|thrivgeint torth
o|vara gỽenith. whech ohonunt yn|beilleit
pedeir y|r neuad. a|dỽy y|r|ystauell. o|r tyf gỽe+
nith yno. ac onny thyf gỽenith yno. bit
geirch y bara. a|r|whech yn rynnyon y|r|ne+
uad a|r|ystauell. kyulet pop torth ac o|lin* hyt
ardỽrnn. kynn|teỽet ac na|phlyccont pan
dalher herỽyd eu hemyl. neu ynteu ynn
gynn|teỽet a|deu|vys. ac o|r|bragaỽt ky+
meint a|cherỽynneit. gỽrỽf. ac vgein
yscub o|geirch vn rỽym. a|cheinnaỽc y|r
gwassannaethỽyr. ac velly y|telir ynn|y
gayaf o vileintref. ac onny cheffir hỽ+
ch; risgen emenyn a|telir drostaỽ. teir
dyrnved o|let. a|their o|teỽet. heb voel ar+
nei. whech daỽn·bỽyt. a|cherỽyneit gỽ+