Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 5v

Llyfr Blegywryd

5v

brỽg y|dyn hyt yr egluys nessaf. Naud y
bard teulu yỽ; hebrỽng y dyn at y|pennte+
ulu. Naỽd y|gostegỽr yỽ; o|r ostec kynntaf
a|dotto ynn|y neuad hyt y diỽethaf. Naỽd
dryssaur neuad yỽ; hebrỽng y|dyn hyt y
vreich a|hyt y wwialen parth a|r porthaỽr
kannys ef a|e|herbynn. Naỽd y|porthaỽr
yỽ; cadỽ y|dyn y|rodher naỽd idaỽ hyt
pan del y|pennteulu trỽy y porth parth a|e
lety. a|e ellỽg ygyt ac ef y|gymryt na+
ỽd hyt pan adaỽho y dyn diỽethaf y  ̷ ̷
llys. Naỽd dryssaur ystauell yỽ hebrỽg
y|dyn at y|porthaur. Naud morỽyn ysta*  ̷ ̷+
ell yỽ kymeint a guas ystauell y|bren  ̷ ̷+
hin. Naud guastraut afuyn yỽ tra wn+
el y|gof llys pedeir pedol ac eu to o|hoely+
on. a|thra bedolho amỽs y brenhin.
Naỽd cannhỽyllyd yỽ o|r pann ennynn+
er y ganhỽyll gynntaf hyt pan diffoder
y diỽethaf. Naud trullyat yỽ; o|r pan
dechreuer gỽallaỽ y gerỽyn gynntaf
hyt pan wallofyer y diỽethaf. Naỽd y
medyd yỽ; o|r pan dechreuho parattoi