Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 5r

Llyfr Blegywryd

5r

ydaỽ dros ffynn y|wlat heb erlit a|heb ra+
got. Naud y|pennteulu yỽ dỽyn y|dynn
dros ffin y kymhỽt y bo yndaỽ. Naud yr
offeirat teulu yỽ; dỽyn y|dyn hyt yr eglỽ+
ys nessaf idaỽ. Naud y distein yỽ. o|r pan de+
chreuho distein seuyll yn|y sỽyd hyny el y
dyn diỽethaf o|r llys y|gyscu. Naud yr he+
bogyd yỽ; hebrug y dyn hyt y|lle pellaf
y|bu y|dyd hỽnnỽ yn|y hebogydyaeth. Na  ̷ ̷+
vd y|braỽdur yỽ; hebrỽg y|dyn hkyhyt o
amsser. ac o|r pann dechreuer dadyl rac y
vronn y bore. hyt pan teruynnho y|dadyl di+
ỽethaf ynn|y dyd hỽnnỽ. Naỽd y|pengỽast+
raut yỽ; tra barhao redec y|march kynn  ̷ ̷+
taf a|uo yn|y gadỽ. Naud y|pennkynyd yỽ;
hyt y|lle pellaf y|breyd glyỽir y|gornn. Na  ̷+
vd y|guas ystauell yỽ; o|r pan eler y|vrỽynn+
ha. a|thannv gỽely y|r brenhin o|r brỽynn.
a|e gudyaỽ a|dillat; yr hyt honno hebrỽg
y|dyn. Naud distein brenhines yỽ; o|r pann
dechreuho seuyll ynn|y sỽyd ynn|yr ystau  ̷+
ell. hyt pann el y|dyn diỽethaf o|r ystauell
y|gyscu. Naud offeirat brenhines yỽ; he+