Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 57v

Llyfr Blegywryd

57v

ith mlyned. talet idi teir punt yn|y|hegỽe+
di os merch vyd. punt a hanner yn|y cho  ̷+
wyll. wheugeint yn|y gobyr. Os merch
tayaỽc vyd; punt a|hanner yn|y hegỽe+
di. a wheugeint yn|y chowyll. a|phedeir
ar|hugeint yn|y gobyr. Os gỽedy seith
mlyned y|gat. bit rann deu hanner yry+
dunt onnyt breint a|dyry ragor y|r gỽr.
Deuparth y|plant a|daỽ y|r gỽr. a|r|tray+
an y|r vam. yr hynnaf a|r ieuhaf. y|r|tat.
Os a·gheu a|e gỽahann. byt rann deu h+
anner yrydunt o|bop peth. Sarhaet
wreaỽc. herỽyd breint y|gỽr i|diwygir
idi. nyt amgen. herỽyd y|gỽr y|rodher
idaỽ. Gỽr a|eill yn|ryd gadu y wreic yn
ryd. Os gỽnna hitheu yr gỽr arall yn
honneit. ny|cheiff hi dim o|e|hiaỽn. nam+
yn y|tri pheth ny dygir rac gỽreic. a|r
gorderch a|tal y sarhaet y|r gỽr kyurei+
thaỽl. O|r dyỽeit gỽreic geir kewilus+
ydyus vrth y|gỽr; talet y|r gỽr teir bu
camlỽrỽ. kanys y harglỽyd yỽ; neu tr+
aỽet hi a gỽialen kyhyt a|e gufyt tri
dyrnnaỽt y|lle y mynho eithyr y|phenn.
O|r maed gỽr y wreic heb achaỽs; talet
y|sarhaet idi herỽyd y breint. Ot edeu