Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 56v

Llyfr Blegywryd

56v

neu vỽyell os coetỽr vyd. vn dros Raff deudec
kyuelinnyaỽc. Teir gỽeith y|dyrcheif ar
sarhaet gỽr a|ymreher y wreic y|treis.
neu a|dyccer y|ỽrthaỽ. Y neb a|dyỽetto ar
arall sarhau y|gorff. o|r gỽatta hỽnnỽ; gỽ+
adet ar|y|lỽ e|hun heb achỽannec. Ot enn+
ỽha ef waet kynny welher. neu gleis
arnaỽ y|welet y|lỽ ar|y|trydyd a|dyly y
rodi kannys yn lle tyston y|kynnhelir
gỽaet. neu gleis. O|r|tereu dyn caeth. dyn
ryd. trycher y|laỽ|deheu. onny thal arglỽ+
yd y|caeth sarhaet y|ryd. ERgyt crym+
an yỽ; naỽd caeth. NY|byd godor yn|rei+
th alltut am|yr hynn ny|pherthynno re+
ith gỽlat ohonaỽ. kynny thygkyo dyn+
nyon ygyt ac ef. namyn rodet e|hun
hu lỽ yg|kyueir pob dyn o|r a|dylyho ty+
gu ygyt ac ef. bei kenedlaỽc. Sarhaet
gỽreic caeth; deudec keinnaỽc. Os gỽen+
igyaỽl vyd; pedeir ar|hugeint yỽ gỽe+
rth y|sarhaet. Sef yỽ honno; gỽreic ỽr+
th y|nottỽyd. DJrỽy caeth o|r lletrat
kynntaf a|wnnel. wheugeint yỽ. O|r
ell*. punt yỽ. O|r trydyd; vn gyureith
vyd a|gỽr ryd herỽyd dial. Py|le|bynn  ̷+
ac y|gordiỽedher caeth yn fflemaỽr. pe+