Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 55v

Llyfr Blegywryd

55v

kyueir pob bys a|el ynn|y benn. a|dỽy yg|k+
yueir y|vaỽt. a|cheinnaỽc dros bop bleỽyn
bonỽyn a|tynner o|e|benn. a|pheteir ar|hug+
eint dros y|gỽallt taltrỽch. DYrnnaỽt
a|gaffo dyn o anuod nyt sarhaet hỽnnỽ; ia+
ỽn yỽ hagen diuỽyn y|guaet ar|wely.
a|r greith ogyurarch o|byd. Deỽisset pa+
ỽp y sarhaet. ae oe* |vreint y|bennkenedyl
ae o|e|vreint e|hun. ae o vreint y|sỽyd.
G alanas pennkenedyl a|telir o|tri
naỽ mu. a|thri|naỽ|vgein mu.
gan tri drychauel. Gỽerth y|sar+
haet yỽ; tri naỽ mu. a|thri naỽ v  ̷+
geint aryant. Gerth aelaỽt pennken+
edyl. nyt amgen no|e gar. yỽ whe|bu. a
hweugein mu gan tri drychauel. Sarh+
aet breyr dissỽyd; a|telir o whe|bu. a|wh+
eugeint aryant. Y alanas a|telir o whe
bu a wheugein mu gan tri drychauel.
Gerth bonhedic cannhỽynnaỽl yỽ; te+
ir bu a|thri   vgein|mu gan tri drych+
auel. Y sarhaet yỽ; teir bu a|triugeint
aryant. Os gỽr breyr vyd bonhedic can+
hỽynnaỽl pan ladher yg|gorỽlat. whe
bu a|geiff y breyr y|gan y|llourud. Kym  ̷+
ro vam tat vyd bonhedic canhỽynna+