Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 54v

Llyfr Blegywryd

54v

aryant yỽ gỽerth pob vn o|r rei|hynny.
O|r|trychir clust dyn ymdeith. a|chlybot o|r
dyn arnaỽ mal kynt. dỽy vu. a|deugeint
aryant a|tal Gerth bys dyn; buch ac
vgeint aryant a|tal. Gerth baỽt dyn;
dy vu a|deugeint aryant a|tal. Keilleu
kymeint yỽ; eu gỽerth a|gỽerth yr aelo  ̷+
deu vry oll. Tauot e|hun kymeint yỽ; y
werth a|gỽerth yr holl aelodeu. Sea|tal
holl aelodeu dyn pan gyurifer ygyt; wy+
th punt. a|phetvarvgeint punt. Ped+
eir ar|hugeint yỽ gỽerth gỽaet pob ryỽ
dyn. Dec ar|hugeint vu gỽerth gỽaet
crist. ac anheilỽg y|gỽelat vot gỽaet
duỽ. a gỽaet dyn yn vn werth. ac ỽrth
hynny gỽaet dyn yssyd lei y werth. G+
erth racdant dyn; pedeir ar|hugeint gan
tri drychauel. Gerth kildant dyn; dec
ar|hugeint aryant a|tal. Pan talher
racdant; gỽerth creith o·gyuarch a|telir
gantaỽ. Gỽerth creith o·gyuarch ar ỽyn+
eb dyn; wheugeint yỽ. Oar|y|laỽ; y|byd.
tri vgeint a|tal. Dec ar|hugeint a|tal os
ar|y|troet y|byd. Sarhaet dyn pan adaỽher
creith ogyuarch ar|y|troet a|telir ygyt
ac vn drychauel. Oar|y|laỽ y|byd; gan