Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 51v

Llyfr Blegywryd

51v

dyd. ac o|r deuant y kynnydyon yna kym+
erent ef. ac onny deuant; paret y|breyr y
vligaỽ. a|llithiet y|kỽn o|r kic. a|dyget y|cro+
en gantaỽ atref. a|r auu. a|r hwarthaỽr
oll. a|r kỽn. ac onny deuant y|kynydyon
y|nos honno. kymeret y|kic oll. a|chattỽ+
et y|kỽn a|r|croen y|r kynydyon. O|r lledir
y|karỽ hanner dyd yn tref breyr; cattỽer
ef yn gyuan hyt y|nos. ac onny deuant
y|kynydyon yna gỽnnelher am|hỽnnỽ
mal am|y|llall. Os ygyt a|r|nos. neu hyt
y|nos y|lledir. tannet y|breyr y|vantell
arnaỽ. a|cchattỽet velly hyt y|bore. ac
onny deuant y|kynydyon yna; gỽnaet
yn|y mod racdywededic. Pỽy|bynnac
a|wnnel velly am|hyd brenhin a|ladher
yn|y tref. ny byd kerydus o|bleit y|bren+
hin o|gyureith. Helỽryaeth y brenhin
hyt galan gayaf y|byd. Odyna hyt yn
naỽuettyd y|r kynydyon y|byd. O galan
gayaf hyt ỽyl Jeuan ny byd golhỽy+
thon brenhinaỽl yn hyd brenhin. Ody+
na deudec golhỽyth kyureithaỽl a|vyd
yn hyd brenhin. nyt amgen. Tauot.
Tri golỽyth o|r mynỽgyl. kymhibeu. Cal+
lon. Deulỽyn. Jar. Tumon. Hyd gylla.