Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 50r

Llyfr Blegywryd

50r

yaf. a|phan el y|bilaein y|ỽrthaỽ. gadet idaỽ
pedeir hych. a|baed. a|r|ysgrybyl ereill oll. ac
wyth erỽ gỽannhỽynar. a|phedeir gayaf+
ar. a|r eil vlỽydynn a|r|trydyd gỽnaet
velly ar vilaeineit ereill. ac odyna ym+
borth teir blyned ereill ar|y|eidaỽ e|hun. ac
odyna gỽaredet y|brenhin arnaỽ o|rodi
ym bilaeineit idaỽ yn|y mod gynt. Ny che+
iff maer na|chyghellaỽr rann o|tỽng. nac
o|brit y|gan y brenhin. Maer. a|chyghella+
ỽr bieu cadỽ diffeith brenhin. hyny wnel y
vod ohonaỽ. ac ỽynt o|gyureith a|gaffant
y|mel. a|r|pysgaỽt. a|r|bỽystuileit bychein
gỽyllt. O ennill y brenhin oll y|gan y|vilae+
neit y|trayan a gaffant ỽy. O|r gỽyr ryd+
yon ny chaffant dim. Ny byd pennkened+
yl maer ytra|vo maer. ac ny cheiff eisted+
ua dilis y|neuad y|brenhin. Tri dyn a|gyn+
heil ef gantaỽ yg|kyuedach y|neuad y|bren+
hin. Kylch a|geiff ar vilaeineit y|brenhin
dỽy weith yn|y vlỽydyn ar|y|betỽeryd. Yn
anreith yd|a ar|y|betỽeryd gyt a|theulỽ y
brenhin. Pan gollo dyn y anreith o gyfreith.
Maer. a|chyghellaỽr bieu yr anneired. a|r
enderiged. a|r dineỽyt. O|r rei hynny y|m+
aer a geiff rann deuỽr. Teir punt yỽ co+