Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 48v

Llyfr Blegywryd

48v

a dynyon y|ty gantaỽ y|vot yn iach o|r da
hỽnnỽ. O|r kledir y|dayar hagen y dan y|ty
gỽedy gỽnnel ef yg|kyureith y|vot yn iach.
brenhin bieu y dayar. ac ny dyly y keittỽat
vot drosti. O|r dỽc dyn da ar|geittỽat y  ̷
gadỽ. a|cholli peth o|r da. a|bot ymdaeru y  ̷+
rỽg y|perchennaỽc a|r keittỽat am|y da;
y|keittỽat bieu tygu a|r|vn dyn nessaf id  ̷+
aỽ ygyt ac ef. opeth a watta. a peth a adef.
O|R gỽatta neb adneu a|rotho dyn y|ga+
dỽ yn|y laỽ. neu torr ty. Rodet reith deudy+
blyc. megys y|mae am veich kefyn. neu
pỽn march o adneu. Teruynnedic yỽ; o| ̷+
ỽn march o|adneu; llỽ petỽargỽyr ar|huge+
int. am veich keuen; llỽ degỽyr. Y tayo+
geu a|dylyant iaỽnhaỽ y cameu a|ỽnnel
eu meibon hyny vont pedeir blỽyd ar|dec.
ac odyna eu tateu a|dylyant eu gorchy  ̷ ̷+
myn y|r brenhin. ac wynt e|hunein herỽyd
kyureith a|attebant drostunt. 
O  wyth bynnvarch brenhin ynt;
Mor. a diffeith brenhin. ac ychen+
naỽc estronnaỽl yn kerdet tir y
brenhin. a|lleidyr. a|marỽty. dyn
a|vo marỽ o agheu deissyuyt. y brenhin
bieu rann y|marỽ o|r da hỽnnỽ oll. ac