Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 46r

Llyfr Blegywryd

46r

y arhos a|dylyit hyt pan ymdangossei y|m+
yỽn y|llys o|r gellit y|gaffel vrgth gyure+
ith yn amsseraỽl. Eil yỽ; braỽt a|rother
ar|dyn kyttrychaỽl trỽy orthrymder o|bl+
eit y|brenhin. neu y|braỽdỽr. ne wyr y|llys.
Trydyd yỽ; barnn braỽdỽr anheilỽg TRi
dyn yssyd ny dichaun vn ohonunt bot
yn vraỽdỽr teilỽg trỽy gyureith; vn yỽ.
ohonunt. dyn anauus megys bydar.
neu dall. neu glauur. neu dyn gorffỽylla+
ỽc. dyn a|orffo y|irỽymaỽ vn weith am|y
ynvyttrỽyd. neu dyn ny allo dyỽedut
yn iaỽn megys cryc anyanaỽl. Eil yỽ;
dyn eglỽyssic rỽymedic vrth vrdeu kysse+
gredic. neu ỽrth greuyd. Trydyd yỽ lle+
yc heb allu ohonaỽ varnu o|gyureith.
o|vreint tir. nac o|vreint sỽyd. Teir fford
y|gellir gỽrthneu braỽdỽr teilỽg. vn yỽ.
o|e|vot yn agkyffredin yn|y dadyl kynn
barnv rỽg kynnhenusson yn llys. Eil yỽ;
y|vot yn gyurannaỽc ar yr hynn y|bo y
dadyl ohonaỽ pei gellit y|hennill trỽy
varnn. Tryded yỽ; kymryt gobyr yn|y
dadyl ar|ny bo gossodedic y|vraỽdỽr y|m+
yỽn kyureith. NY ellir kymell dyn egl+
ỽyssic y ỽrtheb y|neb o|vaes y|sened o|r kam  ̷+