Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 41r

Llyfr Blegywryd

41r

na hedỽch ymdanaỽ. Trydyd yỽ; diebryt
dyn o|e dylyet dros amsser talu. O|tri mod
y kae kyureith rỽg haỽlỽr ac amdiffyn+
nỽr. vn yỽ; o golli y amsser. a|hỽnnỽ a|da  ̷+
mỽeinha o|laỽer mod. Eil yỽ; haỽl heb
perchenn. Trydyd yỽ; teruynu y dadyl k  ̷+
ynn o|hynny. TRi theruyn kyureithaỽl
yssyd. vn yỽ. teruyn o|gyuundeb y|pleideu.
Eil yỽ; teruynu gossodedic trỽy gymrod*+
deỽyr rỽg pleideu. Trydyd yỽ; teruynn
trỽy varnn. Teir dadyl a|dylyant eu hi+
achau. ac eu barnu trỽy deturyt gỽlat
yn erbyn haerllugrỽyd. vn yỽ. dadyl am
venffic. neu wystyl. neu auel yssyd vn gy+
ureith. Eil yỽ; dadyl y|bo amdiffynn yn  ̷+
di. neu yn amgen. gỽat am|tir. Tryded
yỽ; dadyl o|ỽrthrymder brenhin yn erbyn
O  Tri mod yd|holir tir; [ kyureith.
o|gamweresgyn. ac o datanud tr+
ỽy veddyant. tat. neu hentat.
vam. hyt agheu. ac o|ach ac eturyt.
kynny thyccyo gouyn tir o|r mod kyntaf
nac o|r eil. ny byd hỽyrach no|chynt y|keff+
ir o|r trydyd. TRi chamỽerescyn yssyd; gor+
esgyn yn erbyn perchennaỽc. o|e|anuod heb
vraỽt. neu weresgyn trỽy y|perchennaỽc.