LlB Llsgr. Cotton Titus D IX – tudalen 3r
Llyfr Blegywryd
3r
aet brenhin. Cann Mu yg|kyueir pob
cantref o|e arglỽydiaeth. a gỽialen ary ̷ ̷+
ant kyhyt ac o|r llaur hyt y|genev y|b ̷ ̷+
renhin pan eistedho ynn|y gadeir. a|chy|f+
vrasset a|e hirvys. a thri bann y erni a|th+
ri ydeni. kynn vrasset a|r|ỽilalen. a ffiol
eur a angho llaỽn diỽaỽt y|brenhinn
yndi. a|chlaỽr eur arney kyulet ac ỽyn+
eb y brenhin. kynn teỽhet y ffiol a|r|cla+
ỽr ac eỽin amaeth amaethey seith ml ̷+
yned. neu blyscynn ỽy gỽyd. Yn|e mot
hỽnnỽ y|telir sarhaet brenhin a|uo eist ̷+
edua arbennyc idaỽ. megys dinefuur
dan vrenhin deheubarth. neu aberffraỽ
dan vrenhin gỽynned. Onny byd eisted+
ua arbennyc ydaỽ; ny cheiff onnyt gỽ+
arthec. Breint arglỽyd dineuur yỽ ca ̷ ̷+
ffel dros y sarhaet gỽrarthec gỽynny+
on clust·gochyonn. kymeint ac agho+
nt ol yn|ol. rỽg argoel a|llys dineuur.
a|tharỽ vn lliỽ ac ỽynt ygyt a|phob
vgeint ohonunt. Ny|thelir eur namyn
y|vrenhin dineuur. neu y|vrenhin aberff+
| « p 2v | p 3v » |