Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 37v

Llyfr Blegywryd

37v

dan* y|r brenhin. TRi dyn a|geidỽ breint llys
yn aỽssenn brenhin. Offeirat teulu. a|di+
stein. a braỽdỽr llys. py|ly|bynnac y|bỽy+
nt y·gyt. yno y byd breint llys. 
T Ri datssaf gỽaet yssyd; gỽaet
o benn hyt gỽll. gỽaet o gỽll
hyt wregys. Gỽaet o|wregys
hyt laỽr. ac os benn hyt laỽr y gollyg+
ir. dogyn waet y|geelỽir. Gỽerth gỽa+
et pob dyn yỽ; pedeir ar|hugeint. O|r gỽe+
dir y gỽaet kynntaf. trỽy lỽ na·ỽnyn
y gỽedir. Yr eil; gỽaet. truy lỽ hỽedyn.
y gỽedir. Y|trydyd; trỽy lỽ tri dyn. Ny
dylyir na lleihau. na mỽyhau gỽerth
gỽaet o|bedeir ar|hugeint. py|gyueir by
bynnac o|gnat* dyn y|gollyger. kyt sy+
mutter reitheu herỽyd yr argaeu. TRi
hela ryd yssyd y|bop dyn ar|tir dyn arall.
Hela iỽrch. a|chatno. a|dỽfyrgi. TRi|che+
wilyd morỽyn yssyd; vn yỽ. dyỽedut o|e
that vrthi. Ma|th|rodeis y ỽr. Eil yỽ;
pan el gyntaf y|wely y gỽr. Trydyd yỽ;
pan del gyntaf o|r gỽely ym|plith dyny+
on. Dros y kyntaf y|rodir y|hamobyr
y|thatDros yr eil; y|rodir y|choỽyll idi
hitheu. Dros y|trydyd y|dyry yg* |heg+