Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 37r

Llyfr Blegywryd

37r

llỽyth gellast. a torllỽyth hỽch. ar|y|thyle.
a|nythlỽyth hebaỽc. TRi llydyn vn werth
yssyd yn|y geuein* pob amsser. dec ar|huge+
int yỽ gỽerth pob vn o·honunt. baed ken+
vein. ac arbennic kenuein. a hỽch yg|ky+
ueir gỽestua y|brenhin. 
T Eir fford y dywedir gwybydyeit
am|tir. vn y·ỽ o·honunt. henuryeit
gỽlat y|wybot ach ac eturyt y  ̷
dỽyn dyn ar|y|dylyet o|tir ygyt a|e|gereint.
Eil yỽ; amhinogeu tir. nyt amgen. gỽr o  ̷
bop rantir o|r tref y|wybot ranneu a|ffin+
nyeu rỽg y|welygord. Trydyd yỽ; Meiri.
a|chyghelloryonn y|gadỽ teruynneu y|kym+
ydeu. kanys brenhin bieu y|teruyneu hynny.
TRi pheth a|geidỽ cof. a seif yn lle tyston
y|dyn ar|y|dylyet o|tir. Lle|hen odyn. neu
benn·tan·vaen. neu ysgynuaen. TRi dyn
y|telir gỽely tauot vdunt. y|r|brenhin pan
dywetter geir garỽ vrthaỽ. ac|y|vraỽdỽr
pan wystler yn|y erbyn am iaỽn varnn.
os ef a|e|katarnna. ac y|offeirat yn|y egl+
ỽys yn|y teir gỽyl arbennic. neu rac y|b+
renhin yn|darllein llythyreu. neu yn|y
yscriuenu. TRi chowyllaỽc llys yssyd;
kerỽyn ved. a|braỽt. a|chathyl. kynn eu