Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 34v

Llyfr Blegywryd

34v

o|benn crach. a gỽaet deint. a gỽaet trỽ+
yn. onnyt trỽy lit y gollygir. 
T Ri than digyureith a|dotto dyn yn|y
tir e|hun yssyd; Tan godeith o|han+
ner maurth hyt hanner ebrill.
a|than o|dyn trefgord. a|than geueil tref+
gord. a uo naỽ cam y ỽrth y|tref. a|tho ba+
nadyl. neu tywarch arnei. TRi edyn a| ̷+
yly y|brenhin eu gỽerth py|tu|bynnac y
lladher. Hebaỽc. a|gỽalch. a|chicuran. per+
chennaỽc y|tir y llather arnaỽ a dyly dec
a deugeint y gann y|neb a|e llatho. TRi ph+
ryf a dyly y|brenhin eu gỽerth py|tu|by  ̷+
nnac y|llather. LLostlydan. a beleu. a char*.
kannys ohonunt y|gỽneir amarỽyeu y
dillat y brenhin. TRi pheth ny at kyure+
th eu damtỽg. blaỽt. a|gỽenyn. ac ary+
ant bath. canys eu kyffelyp a geffir vd  ̷+
unt. TRi phrenn yssyd ryd eu llad yn ffor+
est brenhin; prenn crip eglỽys. a|phrenn
peleidyr a|wnelher reit y|brenhin ohon  ̷+
unt. a|phrenn elor. 
T Ri chehyryn canhastyr y·ssyd; vn yỽ;
lletrat y|fford y kerdho kyurann
ohonaỽ. canys naỽ affeith yssyd
idaỽ. Eil yỽ; hyd brenhin. pỽy|bynnac