Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 33v

Llyfr Blegywryd

33v

T Ry dyn a gynnyd eu breint yn vn
dyd; tayaỽctref y kysseccrer eglỽys
yndi gan gannyat y brenhin;
dyn o|r tref honno a|uei y bore yn tayaỽc
a|r nos honno yn ỽr ryd. Eil yỽ; y|dyn y
rotho y|brenhin vn o|r pedeir sỽyd ar|hug+
eint llys breinhaỽl. idaỽ. kynn rodi y|sỽ+
yd idaỽ yn tayaỽc. a gỽedy rodi yn ỽr ryd.
Trydyd yỽ yscolheic y dyd kynn caffel cor+
un yn vab tayaỽc a|r nos honno yn ỽr ryd.
T Ri gỽerth kyureith beichogi gỽr+
eic vn yỽ; gỽaet kynn delỽat.
wyth a deugeint a|tal. o|r collir
trỽy greulonder. Eil yỽ; kynn dyuot
  eneit yndaỽ o|r collir trỽy greulonder;
  trayan y alanas a|telir ymdanaỽ.
  Trydyd|yỽ; gỽedy el eneit yndaỽ.
  talau cỽbyl o|e alanas a dylyir o|r
  collir trỽy greulonder. 
O    Tri mod y gỽedir kyssỽynn+
  plant o|genedyl. vn yỽ; y|neb
  a|dywetter y|vot yn|tat idaỽ.
o|r byd byỽ. a|dichaun y|wadu ar|y|lỽ e|hun.
Onny byd y|tat; pennkenedyl a seith
laỽ kenedyl gantaỽ a|e gỽatta. Onny
byd pennkenedyl; llỽ degwyr a|deugeint