Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 32v

Llyfr Blegywryd

32v

hin vrthunt. Teir paluaut ny diỽygir;
vn arglỽyd ar|y ỽr ynn|y reoli yn dyd cat
a|brỽydyr. ac vn tat ar|y|vab ynn|y gospi.
ac vn pennkenedyl ar|y gar ynn|y gygh+
T Eir gwraged a|dyly eu pl +[ ori.
ant meibon tref eu mam. gỽreic
a rother tros y|that yg|gỽystyl.
a chaffel mab ohonei ynn|y gỽystlorya  ̷+
eth. a gỽreic a|rother o|rod kenedyl y all+
dut. a gỽreic a lather gỽr o|e chenedyl.
a dial o|e mab hỽnnỽ. ny dylyir y oedi
am|tref y|vam. nac aros naỽuettydyeu
ynn|y erbyn. Teir s·arhaet gỽreic ynt;
vn a drycheif. ac vn a ostỽg. ac vn yssyd
sarhaet gỽbyl. Kynntaf yỽ; bot genti
o|e hanvod. a honno gan vn drychauel
y|telir. ac os gỽryaỽc vyd; herỽyd breint
y|gỽr y|telir. idi. Yr eil yỽ; rodi cussan
idi o|e|hanvod. a honno a ostỽg. y trayan
a vyd eisseu. Tryded yỽ; y|phalualu o|e
hanvod. a honno yssyd sarhaet gỽbyl
idi. TRi chewilyd kenedyl ynt. ac o ach+
aỽs gỽreic y|maent; llathrudaỽ gỽreic
o|e hanvod. Eil yỽ; dỽyn o|r gỽr gỽreic
arall ar|y|phenn y|r|ty. Trydyd yỽ; y|hys+
beilaỽ. TRi chadarnn enllip gỽreic ynt;