Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 30v

Llyfr Blegywryd

30v

gornn hely yn llaỽ y|pennkynyd. Punt
a|tal pob vn o·honunt. Teir telyn kyure+
ithaỽl yssyd. telyn y|brenhin. a|thelyn y
pennkerd. wheugeint a|tal pob vn o|rei
hynny. kyweir·gorn pob vn o|rei hynny
deudec keinnaỽc a|tal. a|thelyn vchelỽr;
trugeint a|tal. a|e chyweir·gorn; pedeir
keinnaỽc kyureith a tal. TRi pheth
  nyt ryd y|vilaein y|gỽerthu heb
  gannyat y arglỽyd. March. a|m+
  och. a|mel. Os gỽrthyt gysseuin
  y|arglỽyd. gỽerthet ynteu y|r|neb
y|mynho. Teir keluydyt ny eill tayaỽc
eu dysgu y|vab heb ganyat y|arglỽyd.
yscolheictaỽt. a gouyanaeth. a|bardoni+
aeth. canys o diodef yr arglỽyd hyt
pan rother corun y|r yscolheic. neu yny
el y|gof ynn|y eueil. neu varth vrth y
gerd. ny|dichaỽn eu caethau wedy hyn+
ny. TRi anhebcor brenhin ynt; y|offe+
irat y ganu y offerenn.  ac y|vendi+
gaỽ   y|vỽyt. a|e lynn   a|e vr  aỽ+
dyr   llys y|varnu bro  dyeu.  ac
y|rodi kyghoreu. a|e teu  lu vrth wn  ̷+
euthur negesseu y brenhin. Teir kyfla+
uan os gwna dyn yn|y wlat y|dyly y|vab