Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 28v

Llyfr Blegywryd

28v

getymdeithon. yr haỽlỽr a dyly tal o|r da
hỽnnỽ. canys y|marỽ a|fu vach kynogyn.
idaỽ bioed y da. ef a dyly tygu ar|y seith+
uet o|r dynyon nessaf y|werth. ar ved y
talaỽdyr o|r dichaỽn y|gaffel. ac ony|s
dichaỽn. tyget ar allaỽr gyssegredic
werthu ohonaỽ y|da idaỽ. a|bot hỽnnỽ
yn vach kynnogyn idaỽ ynteu dros we+
rth y|da. Py|bynnac a|vo mach goru+
odaỽc dros arall; ny rydheir hyt ym| ̷+
en vn dyd a|blỽydynn. ac ny phoennir
o|vyỽn hynny dros y|cam a|wnel hỽnnỽ.
canys megys rỽymedic yỽ y|myỽn yr
a·chaỽs hynny wyppo a del y|kylus vrth
gyureith ae|na del. kynn y|teruynn.
Py|bynnac a|gymero mach ar|dylyet.
a marỽ y|mach kynn talu y|dylyet. do+
et ar ved y|mach a|thyget ar|y|seithu+
et o|r dynyon nessaf y|werth yr vot hỽn+
nỽ yn vach ar|y|dylyet o|r keiff y bed.
ac onny|s keiff; tyget ar|yr allaỽr gys+
segredic. a gỽedy hynny yr arglỽyd
bieu kymell y|vechni dros y|marỽ. OS
y|kynnogyn a|vyd marỽ. a|r|mach yn
vyỽ; dyget y|mach y|vechni yn gyffel+
yb a hynny. gan tygu e|hun ar ved y