Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 27v

Llyfr Blegywryd

27v

Trydyd yỽ; o|dỽyn gauael am|y|dylyet.
Oet mach y|ỽybot ae mach ae nat mach.
tridieu. Reit yỽ dyuot teir llaỽ ygyt
vrth rodi dyn yn vach. llaỽ ydyn y|ma  ̷+
ch. a|llaỽ y|neb a|el yn vach. a llaỽ y|neb
a|e kymero. ac ymffydyaỽ o|laỽ y|laỽ.
O|r byd eisseu vn llaỽ o hynny yn ymffy+
dyaỽ; balauc vechni y gelỽir honno.
eithyr y lle yd|el dyn yn vach kynogyn
drostaỽ e|hun. neu dros arall ny|s rotho
yn vach. Anssaỽd balaỽc vechni yỽ;
bot y|neill benn yn rỽym. a|r llal ynn
ryd. ac vrth hynny o|r kymer y|dylya+
ỽdyr ffyd y|talaỽdyr ar talu y|dylyet.
a|ffyd y|mach ar gymell y|talaỽdyr.
pob vn ohonunt a|dyly gỽrtheb o|e am+
ot y|r dylyaỽdyr. Onny chymer onyt
ffyd vn ohonunt. ny dyly onyt vn o+
honunt vrtheb idaỽ. heuyt o|r dyry y  ̷
mach y|ffyd y|r dylyaỽdyr ar|gymell y
dylyet idaỽ. ef a|dyly gỽrtheb idaỽ o|r
dylyet oll kynny chymero ffyd y|tala+
ỽdyr. Gwedy del oet dyd talu y|mach
a|dyly oet dyd y|ganthaỽ gyfarch y
talaỽdyr. Oet mach y|barattoi tal. vn
dyd ac wythnos. o|r byt reit idaỽ talu.