Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 27r

Llyfr Blegywryd

27r

ỽdyr da. am|yr hynn a|rotho. ac vrth hynny
y|dyỽedir nyt oes o|rod onyt o|vod. a|rod+
aỽdyr gỽreic a tygho ynn|y mod y|rother.
Y neb a|alỽho tyston ac ny allo eu|dỽyn
rac bronn. dygỽydet y|dadyl. Oet ty+
ston gorỽlat neu warant gorỽlat; py+
theỽnos. Oet tyston. neu warant tra  ̷ ̷+
mor; vn dyn a|blỽydyn. Py|bynnac
a|dechreuo dadyl ar gylus kytrycha  ̷+
ỽl paraỽt y atteb. a gỽedy hynny teỽi
vrthaỽ vn dyn* a blỽydynn am|yr vn
dadyl honno. ny dylyir y gỽarandaỽ
rac llaỽ. onny phallỽys kyureith idaỽ
o|vyỽn y|vlỽydyn. Talaỽdyr ar|ny|th+
alo cỽbyl o|e dylyet. ef a|dyly y|talu.
O|r byd rỽg talaỽdyr a|r|dylyaỽdyr
dyd gossodedic y talu y dylyet. ef a|dyl+
arhos y|dyd. Py|bynnac a ofynnho
dylyet trỽy gỽyn kynn yr oet. kyhyt
a|hynny y|dydly ef bot hebdaỽ gỽedy
yr oet. Py|bynnac a|gymero gauel
dros dylyet heb gannyat arglỽydia+
eth. camlyryus vyd. O|teir fford y|byd
ryd mach am|y|dylyet kyfuadef. vn
yỽ; o|rodi oet heb y ganhat dros yr
oet kynntaf. Eil|yỽ. o|talu y|dylyet.