Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 26v

Llyfr Blegywryd

26v

hynny. Pymhet yỽ; mach am|y|vechni gy+
fadef yrỽg y deudyn pan watto rann o|e ve+
chni. ac adef rann arall. Whechet yỽ;
offeirat yrỽg y deu dyn plỽyf am|yr|hynn
a tystassant idaỽ kynn o hynny. Seithu+
et yỽ; morỽyn am|y gỽyrdaỽt os y|gỽr
y|rodet idaỽ a|e hamheu. yr gỽaethau
y|breint. credadỽy yỽ hi o vyỽn y|deud+
egmlỽyd. Os gỽedy y deudegmlỽyd.
y|llỽ ar|y|phymet o|r dynyon nessaf idi.
a|dyry. O|r treissir morỽyn hagen a dy+
ỽedut o|r|treissỽr nat oed vorỽyn hi.
Tystolyaeth y|vorỽyn e|hinan a gre+
dir yn|y erbynn am|y|morỽyndaỽt. W ̷+
thuet yỽ; bugel trefgord. am lỽdyn
a|lathont ysgrybyl y|tref yn|y wyd.
ac yn|y warchadỽ. Naỽuet yỽ; lleidyr
vrth y|groc pan vo diheu ganthaỽ y|g+
rogi. credadỽy vyd heb greir. ar|y gy+
tleidyr. am|yr hynn a|duc yn lletrat.
y|kytleidyr hagen. ny byd crogadỽy.
yr geir y|llall. namyn lleidyr gỽerth.
lleidyr am letrat kyssỽynn   o|r
palla reith gỽlat idaỽ; dirỽyus vyd.
Credadỽy vyd amodỽr yn|amot
rỽg deudy* a|e|hadefuo. ac velly roda+