Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 26r

Llyfr Blegywryd

26r

ynn|ysgymun geir y|enỽ. O|r gellir proui hy+
nny trỽy wlat. eu gỽrthneu a|ffynna. Y ̷
kyureith Rufein y|keffir. y lle nyt enwer
rif tystonn; digaun yỽ deu tystonn. Y|gyfreith
honn a|dyỽeit nat cỽbyl tystolyaeth vn|tyst.
N aw nyn a|gredir pob vn yn dỽyn
y|tystolyaeth gan tygu. kyntaf
yỽ; arglỽyd rỽg y|deuỽr trỽy
na bo kyurannaỽc ar|y|dadyl. neu ar|yr hynn
y bo y|dadyl ymdanaỽ. ot adef pob vn o|r
gwyr ry|uot eu kynnhen yn|y wyd ef
kynn o|hynny. ac na bỽynt vn dull. ac
o|r gỽatta vn yn erbyn y llall. dir|yỽ tygu
yg|gỽyd yr arglỽyd. YSpeit naỽ nieu
a geiff arglỽyd am|y|lỽ. y vedylyaỽ py
vod y|tygho. Oet yssyd y|offeirat am|y
lỽ; hyt yr amsser y gallo canu offerenn
gyntaf. Eil|yỽ; abbat rỽg y deu vynna+
ch. Trydyd yỽ; tat rỽg y|deu|vab. gan
dodi y|laỽ ar benn y mab y|tygho yn|y er+
byn. a|thyghu mal hynn. Myn duỽ
  a|m creỽys o|tat. a|thitheu oho  ̷+
  naf vinheu gỽir yỽ a|dyỽedaf
.i. yrot|i a|th|uraỽt. Petỽeryd yỽ; braỽ+
dỽr yrỽg deudyn a|vuynt yn amrysson
am|y|varnn a|rodassei ef vdunt kynn o