Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 23r

Llyfr Blegywryd

23r

dros alanas. ac ny dylyant ỽynteu dial neb
a|lather. ac ny ellir eu kymell o|neb fford y|ta+
lu nac y|erbynnyaỽ dim dros alanas. 
T Ri dygyngoll kenedyl ynt. vn|yỽ. de+
chreu o|welygord talu galanas dyn
a|lather. ac na|thalỽyt cỽbyl. ac am
hynny llad vn o|r welygord honno. ny|thelir
galanas hỽnnỽ. ac nyt atuerir dim o|r a|tal+
ỽyt dros y kyntaf. Eil yỽ; bot kyssỽynvab
y|myỽn kenedyl heb y|dỽyn. heb y|wadu.
a|llad dyn o|hỽnnỽ. talu yr alanas honno a  ̷
vyd reit oll y|r genedyl honno drostaỽ. ac
os gỽadant gỽedy hynny dygyngoll yỽ.
Trydyd yỽ; pan enllippyer gỽiryon am|ge+
lein. ac na wnel iaỽn am hynny namyn
tremyc. o|r lledir am hynny. ny|thelir dim
drostaỽ. kynn bo gỽiryon. canny eill kened+
yl wadu yn|y varỽ yr hynn ny wadaỽd ef
ynn|y vywyt. 
O Ergỽymp galanas yỽ; pan ladho
dyn. dyn arall a|dodi o·et y|wneuthur
iaỽn drostaỽ. a|e lad ynteu o|dyn o  ̷
genedyl arall ny|s dylyho. oergỽymp ga+
lanas y|gelỽir hynny. Rac trymhet y|golli
ef ac adaỽ y|gyflauan a|ỽnathoed ar|y|ge+
nedyl a|goruot y|thalu. Py|bynnac a|+