Breudwd Rhyddiaith Gymraeg 1300-1425
English

LlB Llsgr. Cotton Titus D IX – tudalen 22v

Llyfr Blegywryd

22v

aelodeu yr rei hynny ynt; nyeint. neu ỽyth+
ret y|r llourud. neu|r lladedic. Nei yỽ; vab
braỽt. neu whaer. neu geuenderỽ. neu gyf+
erderỽ. neu gefnitherỽ. Eỽythred yỽ; bra+
ỽt tat. neu vam. neu hentat. neu henvam.
neu orhentat. neu orhenvam. Hynn yỽ me+
int rann pob vn o|r rei hynny oll. Pỽy|byn+
nac a|uo nes o|vn ach y|r llourud. neu y|r
lladedic. no|r llall. hỽnnỽ a|tal. neu a|rbynn*
deu kymeint a|r llall. ac velly y|mae am|ba+
ỽb o|r achoed ac eu haelodeu. Plant y|llour+
ud neu y|lladedic. ny|dylyant talu dim. na|e
erbynnyaỽ o|tal galanas. cannys rann y
llourud yr hỽnn a|tal mỽy noc vn arall. a|se+
if drostaỽ ef a|e blant. a|phryder y|rei|hynny
heuyt a|berthyn y|vot arnaỽ ef. Pryder  ̷ ̷
plant y lladedic a|berthyn y|vot ar|y|r·yeni
a|e|gyt·etiuedyon. a|gaffant trayan y|ala+
nas a|chỽbyl tal y|sarhaet. ac vrth hynny
ny|thal etiuedyon vn ohonunt ac nyt erb+
ynnya rann o alanas. O|r byd car y|r|llour+
ud. neu y|r lladedic yn ỽr eglỽissic rỽymedic
vrth vrdeu kyssegredic. neu vrth greuyd.
neu glauur. neu vut. neu|ynvyt. ny|thal
ac nyt erbynnya dim dros alanas. Ny|dy+
lyir gỽneuthur dial ar|vn o|r rei hynny.